Во име на организациониот одбор, Ве покануваме да учествувате на Петтата Меѓународна конференција „КВАЛИТЕТ И КОМПЕТЕНТНОСТ 2022„ во организација на Македонското здружение на лаборатории и инспекциски тела МАКЛАБ и Институтот за Aкредитација на Република Северна Македонија.

Со особен интерес ја организираме конференцијата по петти пат, со што сме чекор поблиску до нашата крајна цел: компетентна, ефикасна и одржлива структура за квалитет на национално, регионално и меѓународно ниво.

Ве охрабруваме да дадете и Ваш личен придонес кон оваа наша цел преку презентирање на трудови од Вашата стручна и професионална област.

Се надеваме дека V Меѓународната конференција “ Квалитет и компетентност 2022“ ќе ги надмине нашите очекувања, особено во сегментот на споделување на искуства и проширување на можностите за идна соработка.